Seiko Presage Craftsmanship Enamel ‘Laurel Owari Shippo’ – Limited Edition

Limited Edition – aðeins framleidd 800 eintök

Saga emeleraðra skífa nær allt til fyrsta armbandsúrs Japans. Árið 1913 var Laurel framleitt af Seiko, með emeleraðri skífu. Einkenni þessara skífa er mikill hlýleiki og mjúkur gljái. Hver einasta emeleruð skífa er bökuð af handverksmeisturum Seiko og engar tvær skífur eru eins. Það sem greinir Shippo emeleringu frá annarri emeleringu er slípunin eftir að hún er bökuð. Ferlið er mjög flókið, þar sem hver skífa er aðeins 1mm að þykkt. Handverksmeistarinn Wataru Totani og samstarfsmenn hans mála margar umferðir yfir skífuna, baka hana og slípa svo til, til að ná fram fallega mynstrinu og dýptinni.

Djúpblá skífan minnir mikið á lit sjávarins, sem er ekki tilviljun hjá Seiko. Owari Shippo emeleringin þróast út frá bláum diski sem kom til Japans frá Hollandi fyrir hundruðum ára. Þó sklífan sé einungis 1mm þykk er dýptin mikil, eins og í sjónum sem skífan sótti innblástur í.

Úrkassi: 40,6mm – stál

Úrverk: Sjálftrekkt – 6R27 með 45 tíma power reserve

Vatnsvörn: 100M

Skífa: Blá emelering – vísar

Gler: Rispufrítt safírgler – speglunarvörn

Ól: Leður

Ábyrgð: Tveggja ára