Ný úr árið 2026
Oyster Perpetual 41 frá Rolex
Með virðingu fyrir upprunanum
Í tilefni afmælis Oyster kynnir Rolex Oyster Perpetual 41 úr gulu Rolesor gulli sem sameinar afrek á sviði úrsmíði í 100 ár og kallast á við uppruna sinn.
Oyster Perpetual 41 fæst í einstakri samsetningu sem lýsir styrk, einfaldleika og fágun og er fyrirmynd allra úra að mati Rolex. Hjá þessu úri, sem kemur í útgáfu úr gulu Rolesor, eru hringurinn og trekkjarinn úr gulli og úrkassinn og armbandið úr Oystersteel. Þessir smáu hlutir úr gulli minna á úrkassann hjá nokkrum af eldri Oyster úrunum.
Gult Rolesor
Eðal málmblanda
Rolesor hefur verið helsta einkenni merkisins allt frá því snemma á 4. áratug 20. aldarinnar og er blanda af gulli og stáli sem gefur bæði fágun og styrk. Hugmyndin er einföld. Sumir þættir úrkassans og armbandsins eru gerðir úr gulli, hvítagulli eða Everose gulli, á meðan aðrir þættir eru gerðir úr Oystersteel-stáli.
Oyster Perpetual 41 í útgáfu úr gulu Rolesor er ný túlkun á þessu útliti. Það parar hring og trekkjara úr gulli saman við keðju sem er gerð eingöngu úr Oystersteel, en yfirleitt eru Rolex úr í útgáfum úr gulu Rolesor með miðjuhlekki keðjunnar úr gulli.
Blágrá skífa
100 ára afmælishátíð Oyster
Á gráu skífunni – sem er nýr litur í Oyster Perpetual vörulínunni – er áletrunin „100 years” við tölustafinn 6 í staðinn fyrir hefðbundnu „Swiss Made” áletrunina. Einnig er hvert fimm mínútna bil á mínútuhringnum merkt með grænum ferningi og nafnið „Rolex er prentað í sama græna lit, sem er einkennislitur merkisins.
Oyster úrkassi
Tákn um vatnsþéttni
Oyster úrkassinn hjá Oyster Perpetual 41 er vatnsheldur við allt að 100 metra dýpi (330 fet). Miðjukassinn er gerður úr heilu stykki af Oystersteel og er með kúptan hring. Úrbakið er með fíngerðar rákir og er skrúfað þétt niður með sérstöku verkfæri sem aðeins viðurkenndir úrsmiðir nota. Hann er með Twinlock trekkjara og tvöfalt vatnsvarnarkerfi sem skrúfast þétt niður í kassann. Glerið er úr nær alveg rispuheldum safír og er með glampavörn. Trekkjarinn er áletraður með tölunni 100.
Oyster keðja
Táknræn og sterkbyggð
Oyster keðjan var hönnuð seint á 4. áratug síðustu aldar og kemur með öllum úrunum í Oyster Perpetual vörulínunni. Þessi málmkeðja er sterkbyggð, þægileg og falleg og er gerð úr þremur breiðum og dálítið sveigðum hlekkjum. Oyster keðjan hjá Oyster Perpetual 41 er með Oysterclasp og Easylink-stækkunarhlekk, sem gerir notandanum kleift að stilla lengd keðjunnar auðveldlega um u.þ.b. 5 mm til að gera hana strax þægilegri.
Verkgerð 3230
Öflug tækni
Oyster Perpetual 41 er búið verkgerð 3230, gangverki sem er hannað og framleitt eingöngu af Rolex. Þetta sjálftrekkjandi vélræna gangverk er með bláa Parachrom-spíralfjöður og Chronergy akkeri og hefur framúrskarandi afköst, sérstaklega hvað varðar nákvæmni, sjálfvirkni, þægindi og áreiðanleika. Hleðsluforðinn endist í u.þ.b. 70 klukkustundir, þökk sé tunnulögun hennar og framúrskarandi virkni deiliverksins.
Superlative Chronometer
vottun
Oyster Perpetual 41 er með Superlative Chronometer vottun. Hvert og eitt úr sem er sent frá verkstæðum Rolex fær þessa einstöku vottun sem staðfestir framúrskarandi virkni þeirra á úlnliðnum. Þessi vottun er undir ströngu eftirliti óháðra svissneskra aðila sem eru viðurkenndir á heimsvísu.
Árið 2026 hefur Superlative Chronometer vottunin verið styrkt enn frekar með þremur nýjum prófum: þol gegn segulsviðum, áreiðanleiki og þægindi. Þessi skilyrði eru notuð í gegnum öll hönnunar- og framleiðsluskref úranna. Hundruð athugana og staðfestinga eru framkvæmd í þessum skrefum til að prófa frammistöðu úrsins. Þau eru viðbót við skilyrðin sem voru sett fram þegar vottunin var endurskilgreind árið 2015 og stýra nákvæmni, vatnsþéttni, sjálftrekkingu og hleðsluforða. Það árið setti Rolex saman sérstakt verklag til að prófa fullsmíðuð úr, sem var framkvæmt inni í manufacture verksmiðjunni með sjálfvirkum búnaði. Kröfurnar um nákvæmni eru sérstaklega strangar: þær eru mældar eftir að gangverkið hefur verið sett í kassann og nákvæmni úrsins má ekki skeika um meira en á milli -2 og + 2 sekúndur á dag. Hámarksfrávikin sem Rolex samþykkir fyrir nákvæmni fullsmíðaðs úrs eru töluvert þrengri en samþykktu frávirkin fyrir opinbera vottun gangverksins.
Superlative Chronometer vottunin er sýnd með græna innsiglinu sem fylgir öllum Rolex úrum og henni fylgir fimm ára ábyrgð.
Halda áfram að skoða
Showing page 1 of 1
