Samanburður á Suunto úrum

Það getur verið erfitt að sjá muninn á heilsuúrum og hvað hentar hverjum. Hér að neðan er tafla sem sýnir helsta muninn milli módela en við reynum að útskýra muninn hér líka. Öll úrin eru jafn vönduð og góð, virknin er í grunninn nánast sú sama milli allra úra, en mismunandi eiginleikar geta hentað mismunandi aðilum. Hér má sjá algjöran samanburð á heimasíðu Suunto.

Suunto Race / Race S:
Þetta er úr sem við teljum henta flestum, bæði þeim sem eru að leita að æfingaúri en líka snjallúri almennt – sérstaklega þar sem það kemur í tveimur stærðum. Gullfallegur og bjartur AMOLED skjár og góð rafhlöðuending. Race / Race S henta sérstaklega vel þeim sem eru virk í skokki, styttri og lengri hlaupum, hjólreiðum og allri hreyfingu sem tekur mið af hraða og vegalengd. Suunto Race / Race S geta mælt mjólkursýruþröskuldinn, sem Vertical getur ekki. Race S er 50m vatnsvarið, svo það má synda með það og stunda léttari vatnasport. Race er 100m vatnsþétt, svo það þolir sund, yfirborðsköfun (snorkl) og brimbrettabrun.

Vertical:
Vertical / Vertical Solar eru með ruglaða rafhlöðuendingu – og Vertical Solar raunar bestu rafhlöðuendingu nokkurs úr. Á móti er skjárinn ekki jafn bjartur og skarpur, þar sem hann notar MIP tækni. Í útivist, og sérstaklega beinu sólarljósi, nýtur skjárinn sín mjög vel, þar sem AMOLED er ekki jafn sterkur. Vertical hentar sérstaklega vel þeim sem eru í utanvegahlaupi, margra daga löngum hlaupum og göngum og í raun öllu sem á sér stað í náttúrunni og þeim sem vilja einstaklega góða rafhlöðuendingu.